Отделы образования

Коммунальное государственное учреждение «Специализированная школа-интернат №2 на трех языках» - Абайский район

Қазақстанда білім беру үрдісінің өзіндік ұлттық үлгісі орнығып, жаңа мазмұндағы оқыту жүйесі қалыптасуда. Дүниежүзілік білім әлеміне кіру мақсаты көзделіп, әрбір ғылым саласында нақты өзгерістер енгізілуде. Мұндай түрлі бағыттағы өзгерістер білім беру жүйесінің даму бағыттарын нақтылап, оны тың арнаға, жаңа сапаға қарай дамыту қажеттілігін міндеттейді. «Терең білім – Тәуелсіздігіміздің тірегі, ақыл-ой – азаматтарымыздың алдаспаны», – деген Елбасы сөзі ұлтымыздың ұранына айналғандай.
Білім – адамзаттың сарқылмас қазынасы. Адамзат білімімен ғана басқалардан озады. Сондықтан заманымыздың заңғар жазушысы М. Әуезов: «Ұлт пен ұлтты, адам мен адамды теңестіретін нәрсе – білім», – деген.
Ұлттың білімі мен біліктілік сапасын анықтайтын орта – мектеп. Жас ұрпаққа білім мен тәрбиенің сарқылмас көзі мектепте беріледі. Шымкент қаласындағы сондай білім мен тәрбиенің ордасына айналып келе жатқан мектептердің бірі - №2 мамандандырылған үш тілде оқытатын мектеп-интернаты.
Білім – тек ғылымның іргетасы ғана емес, сонымен бірге еңсесі биік елдермен терезесі тең мемлекет болудың күретамыры.
Бүгінгі таңда бәсекеге қабілеттілік білікті мұғалім мен сапалы маманға байланысты. Педагогикалық ұжымның еңбегінің жемісі мектептің өрге тартқан өмір көшінің алды болуынан көрінеді. Мектебіміздің оқушылары да, мұғалімдері де білім, өнер, спорт саласынан халықаралық, республикалық, қалалық деңгейде жетістіктер көрсетіп келеді.
Білім бар жерде даму, жетілу, кемелдену бар. Қазақ мектебі болып келе жатқан №2 мамандандырылған үш тілде оқытатын мектеп-интернатынан жыл сайын түлектер қанатын қағып, еліміздің, шет елдің жоғары оқу орындарында білімдерін жалғастырып жүр. Болашақ Қазақстанның білікті мамандары болатыны сөзсіз. Сондықтан да ұлттық тұғырын берік ұстап келе жатқан білім ордасының өткені мен бүгінгі келбетін көрсететін осы сайт көпшілік көңілінен шығады деп ойлаймын.
Құрметпен, №2 мамандандырылған үш тілде оқытатын мектеп-интернаты директоры Сауранбаев Сапарғали Жакиұлы

Вопросы-ответы
Задать вопрос

Сауранбаев Сапарғали Жакиұлы

Коммунальное государственное учреждение «Специализированная школа-интернат №2 на трех языках»

Биография

Личный кабинет

Биография

Сауранбаев Сапарғали Жакиұлы

№2 мамандандырылған үш тілде оқытатын мектеп-интернатының директоры

1977 жылы 16 ақпанда Оңтүстік Қазақстан облысы, Қазығұрт ауданы, Рабат ауылында туылған.

1983 жылы Қ.Абдалиев атындағы №4 қазақ жалпы орта мектебінің бірінші сыныбына қабылданып, 1994 жылы бітірген

1996-1999 жылы «Энергетика және бизнес» колледжінде білім алған.
2000-2004 жылы М.Әуезов атындағы Оңтүстік Қазақстан мемлекеттік университетінде «математика-информатика» мамандығын алды.

1999 жылдың 1 қыркүйегінен бастап мамандығы бойынша «Алтынтөбе» ауылында О.Жамалов атындағы орта мектепте информатика пәнінің мұғалімі болып қызмет атқарды.

2000 жылы 1 қыркүйектен бастап №69 дарынды балалардың экономика және құқық лицейінде информатика пәнінің мұғалімі және инженер-программист болып жұмысқа қабылданды.

2004-2020 жылдар аралығында осы ұжымда директордың тәрбие ісі жөніндегі орынбасары қызметін атқарды.

санаты: педагог-шебер
педагогикалық жұмыс өтілі: 21 жыл

Алған наградалары мен жетістіктері:

- 2005 жылы Облыстық білім басқармасының грамотасы;
- 2006жылы Облыстық білім басқармасының «Құрмет грамотасы»;
- 2008 жылы ҚР Білім және ғылым министрлігі «Дарын» республикалық ғылыми-практикалық орталығының ұйымдастыруымен өткізілген тамыз кеңесіне қатысып, «Тұлға ұлттық болмыстың көрінісі» атты баяндамасын оқып «Дарын» республикалық ғылыми-практикалық орталығында кадрлардың біліктілігін арттыру семинарының курсына қатысып сертификат алды.
- 2010жылы Облыстық білім басқармасының «Құрмет грамотасы»;
- 2011жылы ҚР Оңтүстік Қазақстан облысының әкімі А.Мырзахметовтың «Алғыс хаты»;
- 2012жылы Облыстық білім басқармасының «Құрмет грамотасы»;
- 2013жылы Облыстық кәсіподақ кеңесінің «Құрмет грамотасы»;
- 2013 жылы ҚР педагог кадрлары біліктілігін арттыру деңгейі бағдарламасында бірінші (ілгерілі) деңгейлі курсты аяқтады.
- 2014 жылы ОҚО ББ-ның жалпы білім беретін пәндер бойынша республикалық олимпияданың жоғары деңгейде өтуіне үлес қосқаны үшін «Құрмет грамотасы»;
- ҚР Білім саласына қосқан елеулі үлесі үшін, «Білім шыңы-Ғылым сыры» журналын ұйымдастырғаны үшін «Оқу мен тәрбие ісінің үздігі» жобасының арнайы медалімен марапатталдым;
- 2015 жылыОблыстық білім басқармасы «Құрмет грамотасы»;
- 2016 жылы ОҚОББ «Алғыс хаты»;
- 2016 жылы ҚР Тәуелсіздігінің 25 жылдығына орай «Жазушы-журналист» қоғамдық қоры өткізген «Тәуелсіздік тұғыры биікте» атты «Құрмет грамотасы»;
- 2016жылы ОҚО ББ-ның 25 мамыр соңғы қоңырау мерекесіндегі «Құрмет грамотасы»,
- 2017 жылы Оьлыстық білім басқармасының «Құрмет грамотасы»;
- 2018 жылы ҚР Білім және ғылым министрі Е.Сағадиевтің «Алғыс хаты»;
- 2018 жылы ҚРбілім берудегі «Дарын» жүйесінің 20 жылдығына арналған «Құрмет грамотасы»;
- 2018 жылы жас ұрпаққа тәрбие берудегі еселі еңбегі үшін ОББ-ның «Құрмет грамотасы»;
- 2020 жылы Республикалық «Ұлт мектебі» әдістемелік ғылыми журналының редакциясымен тығыз байланыста жұмыс жүргізіп, өзінің мақалаларын үнемі жариялап отырғаны үшін «Алғыс хатпен» марапатталды.